အသိတရားဆိုတာ... ???

Posted by Angel Shaper
Friday, 19 March 2010
comments (26)

အသိတရားဆိုတာ...???တဲ့။ ဒီခေါင်းစဉ်နဲ့ပတ်သက်ပြီး အမြင်ချင်းဖလှယ်ဖို့ ချစ်ခင်ရတဲ့ အမသေးသေးလေး မအင်ကြင်းသန့် က ချစ်ညီမ သေးသေးလေးကို တက်ဂ်ထားပါတယ်။ Angel Shaper ဒီခေါင်းစဉ်ကို စိတ်ဝင်စားသလို၊ ရေးဖို့လည်း တော်တော်လေး အားခဲထားပေမယ့် အသိဥာဏ်ဗဟုသုတအားနည်းချက်ကြောင့် တော်တော်နောက်ကျနေမိပါတယ်။ ဒါပေမယ့်လည်း ချစ်ခင်မှုကို လေးစားတန်ဖိုးထားတဲ့အတွက် အင်မတန် အလုပ်ရှုပ်နေတဲ့အကို ကိုစေတနာကို ဂျီတိုက်ပြီး သူ့ဆီကနေ အသိတရားနဲ့ပတ်သက်တဲ့ သူ့အမြင်လေးတွေကို အများကြီး မှတ်သားနာယူရင်း မောင်နှမနှစ်ယောက် ဆွေးနွေးဖြစ်ခဲ့ကြပါတယ်။

အသိတရားဆိုတာကို လူတွေက ဘယ်လိုခံယူထားတယ်၊ ဘယ်လိုတိုင်းတာထားတယ်ဆိုတာ Angel Shaper မသိပါဘူး။ ဒီလူဟာ အသိတရားရှိတယ်၊ မရှိဘူးဆိုတာကိုသူ့ရဲ့အသက်အရွယ်၊ ပတ်ဝန်းကျင်၊ လေ့လာ ဆည်းပူးခြင်း၊ အတွေ့အကြုံ၊ ဥာဏ်ပညာ ဗဟုသုတ၊ သူ့ရဲ့အခြေခံစိတ်ဓာတ်နဲ့ ခံယူချက်အပေါ်မှာမူတည်ပြီး ဆုံးဖြတ်လို့ရပါ့မလား??? အဲလိုပဲ လူတစ်ယောက်နဲ့တစ်ယောက် ပိုင်ဆိုင်ထားတဲ့ အသိတရားတွေ တူညီမယ် လို့တော့ မျှော်လင့်လို့မရပါဘူး။ အသက်ငယ်ပေမယ့် အသိတရားပြည့်ဝလို့ ကြိတ်ပြီး လေးစားအားကျရတဲ့ သူတွေ ရှိသလို၊ အသက်ကြီးနေပေမယ့် အသိတရားမရှိပါလားလို့ ကိုယ့် ဦးနှောက်သေးသေးလေးနဲ့ ဆုံးဖြတ်မိ ခဲ့တာတွေလည်း မနည်းတော့ဘူးမလား???

အသိတရားနဲ့ဆက်စပ်တဲ့ စကားလုံးတွေအများကြီးရှိပါတယ်။ ဥပမာ... အသိပညာနဲ့အတတ်ပညာဆိုရင်လည်း အသိနဲ့ ပတ်သက် သွားရတာပဲလေ။ နောက် အသိဆိုတာရှိရင်၊ မသိဆိုတာလဲ ရှိမှာပါပဲ။ တကယ်တော့ လောကကြီးက အင်မတန်ကျယ်ပြန့်ပါတယ်။ ဒီတော့ လောကကြီးမှာ သိစရာတွေကလည်း အများကြီးပါပဲ။ လူတွေရဲ့အဖြစ်အပျက်တွေ၊ လူတွေရဲ့အရည်အချင်းတွေ စသဖြင့် လူတွေနဲ့ ပတ်သက်လို့လည်း သိစရာတွေ တပုံတပင်ရှိပါတယ်။ သဘာဝနဲ့ ပတ်သက်လို့လည်း သိစရာတွေ အများကြီးပါပဲ။ လောကသဘာဝနဲ့ ပတ်သက်ပြီးတော့ လူတွေဖန်တီးထားတဲ့ အတတ်ပညာတွေ၊ လူတွေတွေးခေါ်ထားတဲ့ အသိပညာတွေနဲ့ ပတ်သက်လို့လည်း သိစရာတွေ အများကြီးပါ။ တရားဆိုတာကတော့ ရှင်းရှင်လေးပါ... မှန်ကန်မျှတခြင်း ပေါ့။ ဒီတော့ လူတစ်ယောက်ကို....... ဒီလူကတော့ လောကမှာ အရာခပ်သိမ်းသိရှိပြီး မှန်ကန်တယ်၊ မျှတတယ်လို့ ဆုံးဖြတ်လို့ ဖြစ်နိုင်ပါ့မလား? လုံးဝမဖြစ်နိုင်ပါဘူး။ လူကြီးသူမတွေ ဆုံးမခဲ့ကြတယ်။ "အသိတရားနဲ့ ပြည့်စုံအောင် ကြိုးစားကြ" တဲ့။ ဒီတော့ ဘာတွေကို သိရမှာလဲ???

နားလည်ရသလောက် ပြောရရင်တော့ အသိတရားဆိုတာ...ကိုယ့်နောင်ဘဝအတွက် အရေးပါတဲ့အရာတစ်ခုမှာ ပါဝင်ပါတယ်။ နောင်ဘဝအတွက် ကောင်းကျိုး၊ ဆိုးကျိုးအပြင်၊ လက်ရှိ ဘဝမှာလည်း ကိုယ့်ရဲ့ဘဝ ရပ်တည် ရှင်သန်ရေး၊ တိုးတက်ရာတိုးတက်ကြောင်း၊ ဆုတ်ယုတ်ရာဆုတ်ယုတ်ကြောင်းတွေ၊ ကိုယ့်ကြောင့် သူတဖက်သား ဒုက္ခရောက်မှာ၊ ကောင်းကျိုးဖြစ်မှာတွေကို သိရှိပြီးတော့ မိမိကိုယ်တိုင်လည်း ပိုင်ဆိုင်ထားတဲ့အခြေအနေမှာ ကိုယ်ကိုယ်တိုင် ကောင်းဖို့ကော၊ သူတစ်ပါး ကောင်းဖို့ကော နေထိုင်ကျင့်ကြံပြီး ကျင့်သုံးတတ်တာကို အသိတရား ရှိတယ်လို့ ခေါ်ဆိုနိုင်ပါလိမ့်မယ်။ ကိုယ့်ကောင်းကျိုး၊ သူတစ်ပါးကောင်းကျိုး နှစ်မျိုးမှာ ကိုယ့်ကောင်းကျိုးကြီးပဲ လွန်ကဲပြီး တစ်ဖက်သားအတွက်တော့ ဆိုးကျိုးဖြစ်အောင် ကျင့်သုံးတတ်တဲ့သူကိုပဲဖြစ်ဖြစ်၊ ကိုယ့်အတွက်ရော သူတစ်ပါးအတွက်ပါ အကျိုးမဲ့စေတဲ့သူတွေကိုပဲဖြစ်ဖြစ် အသိမဲ့တယ်လို့ ပြောရမှာပေါ့။

ဒီလိုပါပဲ... အသိတရားကို သိပြီးရင် အသိတရားတွေကို မမေ့မပျောက် ထာဝရကျင့်သုံးတတ်ဖို့လည်း လိုအပ်နေ ပြန်ပါတယ်။ ဒီတော့ အသိတရားနားမှာ သတိတရားဆိုတာ ကပ်ပါနေပါတယ်။ ဥပမာ..... ဆေးလိပ်စွဲသောက် တတ်တဲ့ လူတွေဟာ သူဆေးလိပ်သောက်လိုက်တာ သူ့အတွက်၊ သူ့မိသားစုအတွက်၊ သူ့ဘေးပတ်ဝန်းကျင် အတွက်ပါ မကောင်းမှန်း မသိတဲ့သူ မရှိပါဘူး။ အဲဒါကို သိသိကြီးနဲ့ ဆေးလိပ်ကို မဖြတ်ပဲ ဆက်သောက်နေတာ အသိတရားရှိတယ်လို့ ခေါ်လို့မရပါဘူး။ မကောင်းမှန်းလဲသိတယ်၊ ဖြတ်လဲ ဖြတ်နိုင်တယ်ဆိုရင်တော့ ဒီလူဟာ အသိတရားရှိတယ်လို့ ပြောလို့ရပါတယ်။ ဆေးလိပ် သောက်ချင်စိတ် ဖြစ်လာရင် မသောက်သင့်ဘူးလို့ အချက် ပေးတာ သတိပါပဲ၊ မသောက်ဖြစ်ဘူးဆိုရင်တော့ အသိရှိသွားပါပြီ။ ကိုစေတနာဆိုရင်တော့ သူအိပ်နေတဲ့ အချိန်တိုင်းမှာ အသိရှိပါတယ်။ အိပ်နေရင် ဘယ်တော့မှဆေးလိပ်မသောက်ပါဘူးတဲ့။ (သူကိုယ်တိုင် အဲလို ဝန်ခံထားတာမို့လို့ သူ့ကိုဥပမာပေးရခြင်းဖြစ်ပါတယ်။ အဟဲ)

အထူးသဖြင့် အသိတရားဆိုတာ ကိုယ်ကျင့်တရားကို ထိန်းတာပါပဲ။ ကိုယ်နဲ့နှိုင်းပြီး သူတစ်ပါးအပေါ် ကိုယ်မကြိုက်တာ၊ မကောင်းဖူး ထင်တာကိုမလုပ်ပဲ၊ ကိုယ်ကြိုက်တာ၊ကောင်းမယ်ထင်တာကိုပဲ လုပ်တာကို ကိုယ်ကျင့်တရားလို့ ခေါ်ပါမယ်။ လူတွေရဲ့စိတ်ဟာ မကောင်းမှုမှာ မွေ့ပျော်လွယ်ပါတယ်။ ဒီတော့ ကိုယ်ကျင့်တရားကို ထိန်းသိမ်းတတ်ဖို့လည်း တော်တော်လေးကိုခက်ခဲပါတယ်။ ဘာပဲဖြစ်ဖြစ်ပေါ့... ကိုယ့်အပေါ် သူတစ်ပါးမကျင့်သုံးစေချင်တဲ့ အရာအားလုံးကို ကိုယ်ကလည်း သူတစ်ပါးအပေါ် အလွယ်တကူ မကျင့်သုံးမိဖို့ သတိလေးနဲ့ အသိတရားလေးထားပြီး နေထိုင်ကြိုးစားသွားကြမယ်ဆိုရင် လောကကြီးဟာဒီ့ထက်ပိုပြီး ပျော်စရာ ကောင်းလာပါလိမ့်မယ်။ ဒီတော့....... Angel Shaper နဲ့တကွ ချစ်တဲ့မောင်နှမအားလုံး ကိုယ်ကျင့်တရားကော၊ သူတစ်ပါးကောင်းမွန်ရေးကော၊ မိမိဘဝတိုးတက်ရေးကော၊ ကောင်းအောင်နေတတ်တဲ့ အသိတရားရှိနိုင်ဖို့ ကြိုးစားကြပါစို့၊ အသိတရားနဲ့ ပြည့်စုံအောင်ကြိုးစားပါစို့ လို့ တိုက်တွန်းလိုက်ရပါတယ်။

မပြည့်စုံတဲ့ Angel Shaper ရဲ့ အသိတရားဆိုတာ...??? လေးကို ချစ်မ မအင်ကြင်းနဲ့အတူ ..................
ချစ်တဲ့ မောင်နှမအားလုံးလဲ ကျေနပ်နိုင်ကြပါစေနော်။

ချစ်ခြင်းများစွာဖြင့်
Angel Shaper
20.3.2010 (Sat;)
1:30 AM

Labels:

လက်တို့ပြီးတော့ ပြောရဦးမယ်

Posted by Angel Shaper
Thursday, 11 March 2010
comments (15)

ဒီငွေလောက်နဲ့ ပဲမနူး ဘူးဆိုတဲ့ မလေးရှား က အိန္ဒြာ ကွန်ယက်ကုမ္ပဏီ လီမီတက်
ကျွန်တော့ ကောင်လေးတယောက်ပေါ့.... မြန်မာပြည်မှာ အလှူလုပ်ဖို့ ၇.၃.၂၀၁၀ ရက်နေ့ က အိန္ဒြာဆိုတဲ့ ငွေလွဲ လုပ်ငန်းကနေ ငွေလွဲခဲ့ပါတယ်။ ပုံမှန်အတိုင်းဆိုရင်.. ၁၀.၃.၂၀၁၀ လောက်ဆိုရင် ရန်ကုန်မြို့  ကိုရောက်နေကြပါ။ ဒီတစ်ခါတော့ ၁၀ရက်နေ့ အထိမရောက်တော့ ကောင်လေးလဲ စိတ်ပူပြီး ( ၀၃-၂၀၇၀၁xxx... )ဆိုတဲ့ အိန္ဒြာရုံးချုပ်ကို ဖုန်းဆက်ပြီးညနေပိုင်းမှာမေးရှာ ပါတယ်။
အိန္ဒြာရုံးချုပ်က ဖုန်းကိုင်တဲ့ကောင်မလေးကလဲ အခုပို့နေပါတယ်တဲ့လေ..
ဒီလိုနဲ့ စိတ်ချ လက်ချနေနေရင်း ၁၁.၃.၂၀၁၀ နေ့လယ်မှာ ရန်ကုန်က ဖုန်းဝင်လာပါတယ်..
အလှူငွေ မရောက်သေးပါဘူးတဲ့လေ... အဲတာနဲ့ သူလဲ ရုံးချုပ်ကို ဖုန်းဆက်ရှာပါတယ်..အရင် ဖုန်းကိုင်နေကြ ကောင်မလေးကဘဲ ကိုင်ပြီးတော့ပို့နေပါတယ်တဲ့..(သူ့ကြည့်ရတာ ဖုန်းလာတိုင်းဖြေဖို့ အလွတ်ကျက်ထားပုံရပါတယ်) ဒါနဲ့ဘဲ ကျွန်တော့ ကောင်လေးက အမရေ ၇.၃.၂၀၁၀ ရက်နေ့ ကငွေလွဲလိုက်တာပါ.. မနေ့က ၁၀.၃.၂၀၁၀ ရက်နေ့ ကလဲပို့နေပါတယ် ဒီနေ့၁၁.၃.၂၀၁၀ နေ့လယ်မှာ လဲပို့နေပါတယ်လို့ အမက ပြောပေမယ့် ငွေမရောက်သေးဘူးလို့ပြောလိုက်ပါတယ်... ဒီတော့မှ ဖုန်းကိုင်တဲ့ ကောင်မလေးက ဘောက်ချာနံပါတ် ပြောပါဆိုပြီးမေးပါတော့တယ်.လွဲတဲ့စာရင်းကြည်ပေးမယ်လို့.. ပြောနေတုန်းမှာဘဲ နောက်ထပ် အမျိုးသမီးတစ်ယောက် က ဖုန်းဝင်ကိုင်ပြီးမေးပါတယ်..
ဘယ်ဆိုင်ကလွဲတာလဲလို့ မေးပြန်ပါတယ်.. ဒါနဲ့ဘဲ ကောင်လေးက ကလန်းဆိုင်က လွဲတာပါလဲဆိုရော... ကလန်းဆိုင်ကိုဖုန်းဆက်ပါတဲ့..(၀၃-၃၃၄၂၂xxx...)ဆိုတဲ့ဖုန်းနံပါတ်ကိုပေးပါတယ်...

ယုံကြည်.စိတ်ချ.တိကျ.မြန်ဆန် ( ပဲစားရန် :P )ကောင်လေးက ကလန်းဆိုင်ခွဲကိုဆက်ပြီး အကျိုးအကြောင်းရှင်းပြပြီးငွေမရောက်သေးကြောင်းပြောပြပါတယ်..
အဲ့ဒါနဲ့ ဆိုင်ကလူကလဲ ရန်ကုန်ကိုမေးပေးမယ်ဆိုပြီး ဖုန်းချသွားပါတယ်... နာရီဝက်လောက်ကြာတော့ ကောင်လေးက ဖုန်းဆက်ပြီးပြန်မေးတော့ ရန်ကုန်ကလူ On Line ပေါ်မှာ မရှိလို့ ခဏစောင့်ပါလို့ ပြောတာနဲ့..
ကောင်လေးက ဖုန်းနံပါတ်ကို တောင်းလိုက်ပါတယ်... ( ၅၄၁xxx... )ကို ခေါ်တာပေါ့... ၁၅ မိနစ်လောက်ခေါ်တာ လိုင်းမအားလို့ နောက်ထပ် ဖုန်းနံပါတ် ရှိရင်ပေးပါဆိုတော့ နောက်ဖုန်းနံပါတ် ( ၇၂၂xxx.. ) ဆိုတော့ ကောင်းလေး လဲ လက်မလယ်အောင်ဘဲ ဖုန်းနံပါတ် ၂ခုလုံးကို ဆက်ရှာပါတယ်.. မိနစ်၂၀ လောက်ကြာတော့ ကံကောင်း ထောက်မစွာနဲ့ ( ၅၄၁xxx... )ကို ဝင်သွားပါတယ်.. ဒါနဲ့ဘဲ ရန်ကုန် ငွေလွဲကို အကျိုးအကြောင်းရှင်းပြပြီးငွေမရောက်သေးကြောင်းပြောပြပါတယ်.. လွဲသူအမည်... ပို့သူအမည်... ဘောက်ချာ နံပါတ်..ငွေလွဲနေ့စွဲ တွေ ပေးပြီး ရှာလဲ ရှာခိုင်းရော.. သူ က ဒီစာရင်းမရှိပါဘူးတဲ့လေ... ( ကျွန်တော်လိမ်မိအပြစ် ရှိပါ၏ လို ပြောရမလိုပါဘဲ ) အဲ့ဒါနဲ့ ကောင်လေးက ကလန်းဆိုင်ခွဲကိုဆက်ပြီးစာရင်းမရှိပါဘူး လို့ပြန်ပြောပြပါတယ်...

ဇာတ်လမ်းက အဲ့ဒီ မှာ စတော့တာပါဘဲ.. ပရိတ်သတ်ကြီးရေ....
ကလန်းဆိုင်ခွဲကဖုန်းကိုင်တဲ့သူက..ဒါဆိုရင် ဒီကလူတွေက ဒီငွေကို ဘုံးလိုက်တယ်ပေါ့ ( အဲ့ဒီလိုလဲ မပြောမိပါလားကွယ် ) ဒီငွေလောက်နဲ့ ပဲမနူးဘူးဆိုဘဲ... ( စဉ်းစားမိတာက သူ့ ခမျာ နေ့တိုင်း ပဲစားနေလို့ ပဲစကား ပြောတယ်ထင်ပ ..ဂျောက်ဂျက်သီချင်း ကို...."နင် ထမ္မင်းစားပြီးကြီးတာလား? ပဲ စားပြီးကြီးတာလား" လို့ ပြောင်းဆိုရမလိုဖြစ်နေပြီ..ဟဟ ) ကောင်လေးကတော့ နှာကစ်သွားတာပေါ့.. သူကစားသုံးသူကို....အမှန် က စာရင်းကြည့်မှားတဲ့ ရန်ကုန် ငွေလွဲကို အကျိုးအကြောင်းရှင်းပြပြီး ပြဿနာကို ဖြေရှင်းပေးရ မှာဖြစ်ပေမဲ့ ကိုယ့်ရဲ့ 
စားသုံးသူကို. ပြန်ရန်တွေ့တာတော့ အရုပ်ဆိုးလွန်းပါတယ်.. ကမ္ဘာ့စီးပွားရေး ဥပဒေသတစ်ခုဖြစ်တဲ့ "စားသုံးသူသည် အမြဲမှန်သည်" ဆိုတဲ့ဥပဒေသကတော့ မြန်မာစားသုံးသူတော့ အလှမ်းဝေးလျှက်ဘဲ ရှိနေတယ် ဆိုတာတွေရပါတယ်... ဒီလိုနဲ့ ဘဲ ရန်တွေ့ပြီးတဲ့နောက်.. သူ ရန်ကုန် ငွေလွဲကို ဆက်သွယ်ပေးမယ့်အကြောင်း .. ခုဖုန်းဆက်နေတာ ၇ ကြိမ်ရှိနေပြီဖြစ်လို့ သူတို့အလုပ်တွေရှုပ်နေလို့ထပ်မဆက်ဖို့.. သူတို့က ဘဲပြန်ဆက်သွယ်ပါမယ် ဆိုပြီးပြောပါတယ်..... ( သြော်ဘယ်သူ ကငွေအ ကုန်ခံပြီးသူတို့ဆီဖုန်းဆက်ခြင်ပါ့မလဲ..
ကိုယ့်ကောင်မလေးလဲမဟုတ်... ကိုယ့်ငွေမရောက်လို့ဆက်တာကို..ဟဟ )
ဒီလိုနဲ့ဘဲ နောက် ၄၅ မိနစ်ကြာတော့ ဖုန်းပြန်လာပါတယ်..ရန်ကုန် ငွေလွဲကစာရင်း အကြည့်မှားသွားတာပါတဲ့...
အခုပို့နေပါတယ်တဲ့လေ..( ဓါတ်ပြားဟောင်းကြီးပြန်ဖွင့်ပြီး တစ်ခွန်းမှ သူတို့ မှားကြောင်းပြန်မပြောသွားပါဘူး.. )..
ကျွန်တော်စဉ်းစားမိတာက ခေတ်မှီဖွံ့ဖြိုးတိုးတက်လာမဲ့မြန်မာပြည်ကြီးမှာ နိူင်ငံတကာအဆင့်မှီ တရားဝင်ငွေကြေးလဲလှယ်တဲ့ စနစ်တစ်ခုပေါ်ပေါက်လာမယ်ဆိုရင်ဖြင့် နိူင်ငံတော်နှင့် တိုင်းရင်သားပြည်သူ တစ်ရပ်လုံး အကျိုးရှိကြမှာဘဲလို့ မြင်ယောင်မျှော်လင့်ရင်း ( မျိုးကြီးဆိုတဲ့ သီချင်းထဲက "မျှော်လင့်ချက်နဲ့ အသက်ရှင်တဲ့ လူတွေနှလုံးသားခြင်းလက်ကမ်း" ဆိုသ လို ) ကျွန်တော့ရဲ့  မျှော်လင့်ချက်တွေကိုလဲ စာဖတ်ပရိတ်သတ်ကြီးဆီ ကို ပြန်လည် လက်ဆင့်ကမ်း လိုက်ရပါတယ်...။ ။
မှတ်ချက်။ ။ ခုစာရေးနေစဉ်မှာဘဲ ရန်ကုန်မြို့ ကို အလှူငွေတွေရောက်ရှိသွားပါကြောင်း... :)


လေးစားစွာဖြင့်
ရဲရင့်နီ

Labels:

၂၀၁၀ ဖေဖော်ဝါရီ ၂၀ ရက်မှာ ကျရောက်တဲ့ ၆၂ကြိမ်မြောက် ချင်းအမျိုးသားနေ့ အမှတ်တရ

Posted by Angel Shaper
Friday, 19 February 2010
comments (23)



ချင်းအမျိုးသားနေ့ဆိုတာ ချင်းလူမျိုးတို့ရဲ့ ကိုယ့်ကံကြမ္မာကို ကိုယ်ဖန်တီးခွင့် ပြန်လည်ရရှိရေးနဲ့ လွတ်လပ်မှု၊ တန်းတူညီမျှမှုတို့ ရရှိရေးအတွက် နှစ်ပေါင်း(၄၀)ကျော် ရုန်းကန်လှုပ်ရှား တိုက်ပွဲဝင်လာခဲ့ရာကနေ ပေါ်ပေါက်လာတဲ့ သမိုင်းဝင် နေ့ထူးနေ့မြတ် တစ်ခုပါ။ ၁၈၉၅-၁၉၄၈ခုနှစ်မှ မြန်မာနိုင်ငံ လွတ်လပ်ရေး ရရှိတဲ့အထိ စဉ်ဆက်မပြတ် ရုန်းကန်လှုပ်ရှားရင်း ဖြစ်ပေါ်လာခဲ့တာပါ။ ချင်းလူမျိုးစုဟာ ၁၈၉၇ ခုနှစ် အင်္ဂလိပ်နယ်ချဲ့လက်အောက် မကျရောက်ခင်ကာလအထိ ကိုယ့်မင်းကိုယ့်ချင်းဖြင့် မိမိတို့ကိုယ် မိမိတို့ အုပ်ချုပ်ခဲ့ကြတဲ့ လူမျိုးဖြစ်ပါတယ်။

မေမြို့ (အခု ပြင်ဦးလွင်မြို့) အခြေစိုက်အင်္ဂလိပ်စစ်တပ်မှာတာဝန်ထမ်းဆောင်နေကြတဲ့ ချင်းအမျိုးသားတွေဟာ ၁၉၁၈ ဖေဖော်ဝါရီ ၂၀ ရက်နေ့မှာ ချင်းအမျိုးသားများပညာရည်မြှင့်တင်ရေး အဖွဲ့အစည်းတစ်ခုကို ဖွဲ့စည်းခဲ့ကြပြီး ချင်းအမျိုးသားတို့ရဲ့ ပညာရည်မြှင့်တင်ရေးကို စပြီးကြိုးပမ်းဆောင်ရွက်ခဲ့ကြပါတယ်။ ချင်းအမျိုးသားတို့ရဲ့ သမိုင်းမှာ ပထမဦးဆုံးဖွဲ့စည်းခဲ့တဲ့ ဒီအဖွဲ့အစည်းမှာ ဥက္ကဋ္ဌအဖြစ် ဆူဗီဒါအွမ်ပိုင်း (ကန်ပက်လက်ခရိုင်)၊ ဒု-ဥက္ကဋ္ဌအဖြစ် ဦးဝမ်သူးမောင် (ဝမ်းသူးရွာ၊ မင်းတပ်မြို့နယ်)၊ အတွင်းရေးမှူးအဖြစ် ဦးရမ်းလောင်းလိန် (ကန်ပက်လက်မြို့နယ်)၊ အဖွဲ့ဝင်များအဖြစ် မြေပြန့်အရှိုချင်းများ၊ လူရှည်ချင်း အမျိုးသားတို့ပါဝင်ခဲ့ကြတယ်။ ဒီအဖွဲ့အစည်းကြောင့်ပဲ ချင်းအမျိုးသားနေ့ သတ်မှတ်ရေးအတွက် အရေးပါတဲ့နေ့တစ်ရပ် ဖြစ်လာခဲ့ရတယ်။

၁၉၂၈ ဖေဖော်ဝါရီ ၂၀ ရက်နေ့ ချင်းအမျိုးသားတို့ရဲ့ ပထမဆုံး ချင်းနိုင်ငံရေးပါတီဖြစ်တဲ့ ချင်းတောင်ညီညွတ်ရေး အဖွဲ့ကို ဖွဲ့စည်းခဲ့ကြပြီး ၁၉၃၃မှာ ချင်းအမျိုးသားညီညွှတ်ရေးအဖွဲ့ ဆိုပြီး အမည်ပြောင်း မှည့်ဆိုခဲ့ကြတယ်။ ၁၉၃၄ စက်တင်ဘာလ၂၉ရက်နေ့မှာ ချင်းအမျိုးသားညီညွှတ်ရေးအဖွဲ့ ညီလာခံတစ်ရပ်ကျင်းပခဲ့ပြီး ဗြိတိသျှဆီမှ ချင်းအမျိုးသားတို့ရဲ့ အခွင့်အရေးနဲ့ နှစ်နာချက် ၉ ချက်ကို တင်ပြ တောင်းဆိုခဲ့ကြတယ်။ အဲဒီ ညီလာခံရဲ့ အရေးကြီးဆုံး တောင်းဆိုချက်ဟာ ပြည်မကို လွတ်လပ်ရေးပေးရင် ချင်းတောင်ကိုလည်း လွတ်လပ်ရေး ပေးရမယ်။ အခြားတိုင်းရင်းသား လူမျိုးတွေနည်းတူ ချင်းအမျိုးသားများကိုလည်း တန်းတူအခွင့်အရေး ပေးရမယ် လို့တောင်းဆိုခဲ့ကြပါတယ်။

၁၉၃၈ ဖေဖော်ဝါရီ ၁၀ ရက်နေ့မှာ ချင်းအမျိုးသားညီညွှတ်ရေးအဖွဲ့ရဲ့ တောင်းဆိုချက် ၉ ချက်ကို ဆွေးနွေးဖို့ အနယ်နယ်အရပ်ရပ်က ချင်းအမျိုးသား ကိုယ်စားလှယ် ၃၀၀၀ခန့် နဲ့ အင်္ဂလိပ် အာဏာပိုင် တို့ဟာ ကန်ပက်လက်မြို့ မှာ တွေ့ဆုံဆွေးနွေးခဲ့ကြပါတယ်။ ချင်းအမျိုးသားညီညွှတ်ရေးအဖွဲ့ရဲ့ တောင်းဆိုချက်ကို ဗြိတိသျှ အာဏာပိုင်တို့အနေနဲ့ "မည်သို့မျှလိုက်လျောပေးနိုင်မည်မဟုတ်" ဆိုတဲ့ တုံ့ပြန်ချက်ကြောင့် ချင်းအမျိုးသား ကိုယ်စားလှယ်အနေနဲ့လည်း ဆန္ဒပြပြီးတုံ့ပြန်ခဲ့ကြပါတယ်။ ၁၉၃၉ ခုနှစ်မှာ အင်္ဂလိပ်အစိုးရဟာ ချင်းအမျိုးသားညီညွှတ်ရေးကို တရားမဝင်အဖွဲ့အစည်းအဖြစ် ကြေငြာခဲ့ပြီး ဦးဝမ်သူးမောင်နှင့်အဖွဲ့ ၉ ဦးတို့ကို ဖမ်းဆီးခဲ့ကြပါတယ်။ သူတို့အဖွဲ့ကို ဖလမ်း၊ ဟားခါး၊ တီးတိန်၊ မြင်းခြံ၊ မန္တလေး၊ ကသာ ထောင်တွေမှာ ဖမ်းဆီးချုပ်နှောင်ခဲ့တယ်။ ဦးဝမ်သူးမောင်ဟာ အကြိမ်ကြိမ်အဖမ်းခံရပြီး သူ့ရဲ့ အိမ်ကိုပါ မီးရှို့ပစ်ခြင်းကို ခံခဲ့ရသူပေါ့။

၁၉၄၈ ဖေဖော်ဝါရီလ ၁၉-၂၂ ရက်များမှာ ချင်းဝိသေသတိုင်း၊ တိုင်းလုံးဆိုင်ရာ ညီလာခံတစ်ရပ်ကို ဖလမ်းမြို့ မှာ ကျင်းပခဲ့ပြီး ချင်းဝိသေသတိုင်း အနယ်နယ်အရပ်ရပ်က ပြည်သူလူထု ၅၀၀၀ ကျော် တွေ့ဆုံဆွေးနွေးခဲ့ကြပြီး ရွာသူကြီး၊ တိုက်သူကြီး၊ အုပ်ချုပ်ရေး၊ ပြောင်းခွန်၊ လူခွန်၊ အမဲခွန် ပေးဆောင်တဲ့စနစ်ကို ဖျက်သိမ်းပြီး ဒီမိုကရေစီ စနစ်ကို ကျင့်သုံးရင်း ဖေဖော်ဝါရီလ၂၀ရက်နေ့မှာ ချင်းအမျိုးသားနေ့အဖြစ် ထောက်ခံအတည်ပြုခဲ့ကြပါတယ်။

ဒီလိုနဲ့ ၁၉၁၈-၁၉၄၈ထိဟာ ချင်းအမျိုးသားတို့အတွက် သမိုင်းဝင်အဖြစ်အပျက်တွေ တစ်ခုပြီး တစ်ခု ဆက်တိုက် ဖြစ်ပွားခဲ့တဲ့အတွက် ဖေဖော်ဝါရီလ ၂၀ ရက်နေ့ကို ချင်းအမျိုးသားနေ့အဖြစ် တရားဝင်သတ်မှတ်ဖို့ ၁၉၅၀ အောက်တိုဘာလ ၉ ရက်နေ့မှာ ပြုလုပ်ကျင်းပခဲ့တဲ့ ချင်းအမျိုးသားရေးရာကောင်စီ အစည်းအဝေးကနေ သတ်မှတ် အတည်ပြု ပြဌာန်းခဲ့ကြပါတယ်။ မင်းတပ်မြို့မှာ ပထမဆုံးအကြိမ် ချင်းအမျိုးသားနေ့ကို ပြုလုပ် ကျင်းပခဲ့ပြီး နိုင်ငံတော်ဝန်ကြီးချုပ်နှင့် ပြည်နယ်ဝန်ကြီးအချို့ တက်ရောက်အားပေးခဲ့ကြပါတယ်။ နိုင်ငံတော် သမ္မတရဲ့ သဝဏ်လွှာကို နိုင်ငံတော်ဝန်ကြီးချုပ်က ဖတ်ကြားအားပေးခဲ့ပါတယ်။

ဒါတွေကတော့ ချင်းအမျိုးသားနေ့ဖြစ်ပေါ်လာပုံ အကျဉ်းချုပ်လေးပေါ့။ ချင်းလူမျိုးတွေရဲ့ချစ်စရာ ရိုးရာဓလေ့အချို့  Angel Shaper သိသလောက်ပြောပြရမယ်ဆိုရင်တော့ ချင်းလူမျိုးတွေဟာ အရင်ဘိုးဘွားခေတ်ကတည်းက အင်မတန်မှကို ရိုးသားဖြူစင်ပြီး သစ္စာတရားကို တန်ဖိုးထားတဲ့ လူမျိုးစုတွေဖြစ်ခဲ့ပါတယ်။ ဒီလူမျိုးစုကို သစ္စာရှိတဲ့ တောင်ဇလပ်ပန်းနီလေးတွေ၊ အောက်ချင်းငှက်ကလေးတွေနဲ့ ကိုယ်စားပြုခဲ့တယ်လေ။

တောင်ဇလပ်ပန်းဆိုတာ ကမ္ဘာပေါ်မှာရှိတဲ့ အလှဆုံး၊ အမွှေးဆုံး နဲ့ နာမည်အကြီးဆုံးပန်း မဟုတ်ခဲ့ပေမယ့် သူ့သဘာဝနဲ့သူ ပွင့်ဖူးတတ်တဲ့ပြီး နေဒဏ်၊ မိုးဒဏ်၊ လေဒဏ် အားလုံးကို ကြံ့ကြံ့ခံရင်း သစ္စာရှိရှိ ပွင့်ဖူးတတ်တဲ့ သစ္စာရှိတဲ့ပန်းကလေးတစ်မျိုးပါ။ တောင်ဇလပ်ပန်းဟာ ပင်စည်ကနေ ခူးဆွတ်ပေမယ့် သူ့သဘာဝကိုက အကြာကြီး ပွင့်လန်းနိုင်စွမ်းရှိတဲ့ ထူးဆန်းတဲ့ပန်းတစ်မျိုးပေါ့။ ဒီပန်းလေးတွေဟာ မြေပြန့် ဒေသတွေမှာ မပွင့်နိုင်ပါဘူး။ ဒီလိုအေးချမ်းတဲ့ တောင်ပေါ်ဒေသမှာပဲ ထူးခြားစွာ ပွင့်တတ်တဲ့ ပန်းတစ်မျိုးပါ။ တောင်ဇလပ်ပန်းတွေဟာ ချင်းပြည်နယ်ကို ကိုယ်စားပြုအလှဆင်နေတဲ့ သဘာဝကပေးတဲ့ လက်ဆောင်ပါ။

အောက်ချင်းငှက်ရဲ့ သဘာဝဟာဆိုရင် သူတို့ဟာသစ္စာရှိတဲ့အမျိုးတွေဖြစ်တယ်။ ဘယ်လောက်ထိ သစ္စာရှိသလဲ ဆိုရင်တော့ တစ်ကောင်သေရင် ကျန်ခဲ့တဲ့တစ်ကောင်ကပါ သူ့ချစ်သူသေတဲ့နေရာဒေသကိုရောက်အောင် ဟိုးအမြင့်ဆုံးကောင်းကင်ပေါ်ကနေ ထိုးဆင်းကျပြီး အသက်သေခံရင်း ချစ်ခြင်းမေတ္တာ၊ သစ္စာတရား ကြီးမားခဲ့ ကြတဲ့ ငှက်ကလေးတွေပေါ့။ သူတို့ရဲ့သစ္စာတရားဟာ ချင်းလူမျိုးတွေအတွက် အကောင်းမွန်ဆုံးသော ပုံသက်သေ ကောင်းတွေ ဖြစ်လာခဲ့ပါတယ်။

ဥပမာလေးတစ်ခုပြောရရင် အရင်ခေတ်တုန်းက ချင်းလူမျိုးတွေရဲ့တောင်ပေါ်ဒေသ တောရွာတွေမှာ သော့ဆိုတာ မရှိခဲ့ပါဘူး။ ဘာဖြစ်လို့လဲဆိုတော့ ပစ္စည်းပျောက်တယ်။ ခိုးတယ်၊ ဝှက်တယ်၊ သူခိုး ဆိုတာ မရှိခဲ့ဘူးလေ။ တစ်ယောက်နဲ့တစ်ယောက်ဟာ ယုံကြည်မှုရှိတယ်။ သစ္စာရှိကြတယ်။ လယ်ထွန်သွား၊ အပြင်သွားတဲ့အချိန်တွေမှာတော့ ကျွဲ၊ နွား တိရိစ္ဆာန်တွေရဲ့ ရန်ကနေ ကာကွယ်ဖို့လောက်ပဲ သစ်လုံးတွေနဲ့ အကာအကွယ်ပြု ခဲ့ကြတာပါ။ အဲဒီလောက် အေးချမ်းခဲ့တာပေါ့။

နောက်ပြီး ချစ်စရာဓလေ့တစ်ခုကတော့ လူပျို၊ အပျိုတွေဟာ မိဘနှစ်ပါးရဲ့ မျက်စိအောက်မှာပဲ ချစ်ရေးဆို တတ်ကြတယ်။ ချစ်ခွင့်ပန်ကြပါတယ်တဲ့လေ။ အချစ်ရေးဆိုတဲ့အခါမှာလဲ ကဗျာတွေ၊ သီချင်းလေးတွေဖွဲ့ဆိုပြီး ချစ်ရေးဆိုတတ်ကြတာ ဓလေ့တစ်ခုပေါ့။ လူပျိုလှည့်ပြီဆိုရင် လူသူရှိတဲ့နေရာ အဓိကကတော့ အပျိုလေးရဲ့ နေအိမ်မှာ မိဘ၊မောင်နှမရှိနေချိန်တွေမှသာ လည်ခွင့်ရှိပါတယ်။ သမီးရည်းစားချိန်းတွေ့ကြမယ်ဆိုရင်တော့ မိသားစုအားလုံးနဲ့ မီးဖိုဘေးမှာမီးကလေးလှုံရင်း တစ်ယောက်နဲ့တစ်ယောက် မျက်လုံးချင်းစကားပြောကြပြီး ချစ်ကြည်နူးကြရတယ် ဆိုပဲ။ ဒီခေတ်လူငယ်တွေလို လူသူပါးပြီး မှောင်တဲ့နေရာတွေ၊ ရုပ်ရှင်ရုံတွေ၊ ပန်းခြံရဲ့ ထောင့်နေရာလေးတွေ၊.... စတဲ့ စတဲ့ နေရာလေးတွေမှာ ချိန်းတွေ့ကြတာ မဟုတ်ဘူးလို့ပြောချင်တာပါ။ အဟဲ။ ချစ်သူချင်းလဲ အောက်ချင်းငှက်တွေလိုပဲ သစ္စာရှိကြတယ်။ သေတဲ့အထိကိုပဲ တစ်ဦးနဲ့တစ်ဦး တန်ဖိုးထားပြီး ချစ်မြတ်နိုးတတ်ကြပါတယ်။

ချင်းလူမျိုးတွေမှာ ချင်းစကား၊ ချင်းအမျိုးအနွယ်ပေါင်း အများကြီး အများကြီး ရှိပါတယ်။ (အကုန်လုံးကို ဖော်ပြရင် ပိုစ့်ကအရမ်းကို ရှည်သွားလိမ့်မယ်။ ဒီတော့ အခွင့်ကြုံမှ ဖော်ပြပါ့မယ်)။ ပန်းအိုးလေးတစ်လုံးကို အလှဆင်ဖို့ အတွက် ပန်းပွင့် အမျိုးစုံ၊ အရောင်စုံ အသုံးပြုမှသာ လိုအပ်သလို အလှပဆုံး အလှဆင်နိုင်သလိုပဲ၊ ချင်းလူမျိုးတွေ ဟာလဲ မြောက်များစွာသော အမျိုးနွယ်စု၊ ဘာသာစကားစုတွေကြောင့်သာ ပိုပြီး လှပသက်ဝင် အဓိပ္ပာယ်ရှိရခြင်း ဖြစ်ပါတယ်။ ဒီကနေ့ ၂၀၁၀ ဖေဖော်ဝါရီ ၂၀ ရက်နေ့မှာကျရောက်တဲ့ (၆၂) ကြိမ်မြောက် ချင်းအမျိုးသားနေ့ကို ဂုဏ်ပြုသောအားဖြင့် ဒီပိုစ့်လေးကို ရေးသားရခြင်းပါ။ ပြည့်ပြည့်စုံစုံ မဖော်ပြနိုင်တာ Angel Shaper ရဲ့ အားနည်းချက် ဖြစ်သလို၊ သေချာလေ့လာပြီးမှ ချင်းပြည်နယ်နဲ့ ပတ်သက်ပြီး စိတ်ဝင်စားစရာအချို့ ကို အခွင့်ရှိရင် တင်ပြပါဦးမယ်။

ဒီပိုစ့်လေးအတွက် လိုအပ်တဲ့ အချက်အလက်တွေကို စိတ်ရှည်လက်ရှည် အကြံပေးပြီး ကူညီပြောပြပေးတဲ့ အကို (U Sianpu) နဲ့ သူငယ်ချင်း ပေါက်စီကို ကျေးဇူးအကြီးကြီးတင်ပါတယ်။ သူငယ်ချင်းပေါက်စီ ဆွဲထားတဲ့ ဒီဇိုင်းလေးကြောင့်လဲ ကျေးကျေးစ်နော်။

ချစ်ခြင်းများစွာဖြင့်
Angel Shaper
19.2.2010 (Fri;)
11:25 Pm

Labels:

အိပ်မပျော်တဲ့ည

Posted by Angel Shaper
Friday, 5 February 2010
comments (17)

ည........... မှောင်မိုက်လွန်းတဲ့ ည
မှောင်မိုက်မှုတွေ ကြားက
အလင်းရောင် တစ်ချို့ တဝက် ဖြန့်ကျက်လို့နေလေရဲ့။
အော်..... လရောင်နဲ့အတူ အေးချမ်းမှုတွေများ ပါလာမလားလို့ ငါခိုလှုံခဲ့မိတယ်။
ရင်ထဲမှာပူလောင်ခြင်းတွေကိုပဲ ငါခံစားရရှိခဲ့တယ်။

အိပ်လို့ မပျော်တဲ့ ည......
ရင်မှာ အမျိုးအမည်မသိတဲ့ခံစားမှုတစ်ချို့ 
ပူလောင်နေတာလား၊ ခံရခက်တာလား မသိတဲ့ ခံစားမှုတစ်ချို့ 
ဒီလိုနဲ့ ပဲ အချစ်ဆိုတာကို အကျွမ်းတဝင်ဖြစ်မှန်း သိခဲ့ရတယ်။

အထီးကျန် ခြောက်သွေ့တဲ့ည.......
တစ်ယောက်တည်း အတွေးတွေ များစွာထဲက
ပျော်ရွှင်တာတွေ၊ ဝမ်းနည်းတာတွေ ခံစားဖူးတယ်။
နှစ်ဦးသား အတိုင်းမသိပျော်ရွှင်ခဲ့ဖူးတယ်။

ခုတော့လည်း ငါ့တစ်ယောက်တည်း
ရယ်ချင်ရယ်နေတယ်။ မျက်ရည်လေးတွေ ဝဲချင်ဝဲနေတယ်။
ဘယ်သူမှမသိတဲ့ တစ်ကိုယ်တည်းလွမ်းဆွတ်မှု
ရူးကြောင်ကြောင် အတွေးများလား......
အင်းးးးးးးးးး သေချာတာတော့ ငါအခုထက်ထိ အိပ်မရသေးတာပါပဲ။

အိပ်မပျော်တဲ့ သမီးကြီးအိန်ဂျယ့်ကို အရထူးတဲ့ အကိုတော်ကိုလောက်ကြီး (ခေါ်) ကိုခလောက်
(ကိုအိုက်ခီလောက်)က သနားလို့တဲ့...... မူးမူးနဲ့ လက်ဆောင်ရေးပေးလိုက်တဲ့ ကဗျာလေးပေါ့။
ကိုလောက်ကြီးရေ.......ကျေးဇူးကြီးးးးကြီးးးးးးးးးးးနော်။

ချစ်ခြင်းများစွာဖြင့်
Angel Shaper
6.2.2010 (Sat;)
3:20Am

Labels:

A Lonesome Birthday!

Posted by Angel Shaper
Friday, 11 December 2009
comments (26)

ဒီနှစ်မွေးနေ့ပွဲလေးကိုတော့ ကိုယ့်ရဲ့အခန်းလေးထဲမှာ
မိတ်ဆွေမရှိ၊ ကိတ်မရှိ၊ မွေးနေ့အနမ်းလေး ပေးမဲ့ ချစ်သူမဆိုထားနှင့်
သူငယ်ချင်းအပေါင်းသင်း၊ ချစ်ခင်သူ မိဘဆွေမျိုးအားလုံးရဲ့ အဝေးမှာ
အထီးကျန်ခြင်းတွေ၊ လွမ်းဆွတ်ခြင်းတွေ၊ သတိရခြင်းတွေနဲ့
အတူတူ ဆင်နွှဲဖြစ်ခဲ့တယ်။
အဲဒီနေ့ ကိုယ့်ပါးပြင်ထက်ဆီကို တကူးတက တွေ့ထိ ခုန်ဆင်းလာတဲ့
အထူးဧည့်သည်တော် မျက်ရည်စက်လေးတွေကိုတော့
ဝိုင်အဖြစ်နဲ့ ပြုံးပြုံးလေး သောက်သုံးလိုက်မိတယ်။
(အဲဒီအပြုံးလေးတွေ ပီပြင်တယ်၊ မပီပြင်ဘူးဆိုတာတော့ ကိုယ်လဲ မသေချာခဲ့ပါဘူး)

ချစ်ခြင်းများစွာဖြင့်
Angel Shaper
10.12.09 ( Thur;)
11:59 Pm

Labels:

ပြည်တော်ပြန်သူအတွက် နှုတ်ဆက် စကားလုံးများ

Posted by Angel Shaper
Sunday, 15 November 2009
comments (25)

ဒဒွေး မောင်နှမများရဲ့ အမှတ်တရ စကားလုံးလေးတွေ ပြန်ပြီး မျှဝေပေးလိုက်ပါတယ်။ သူတို့ရင်ထဲက ဆုတောင်းလေးတွေ အတွက် ကျေးဇူးအကြီးကြီးတင်ပါတယ်။
"ငါ့လက်ကို ဖြတ်ချင်တယ်ဟာ။ နင့်အတွက် ကဗျာလေးတစ်ပုဒ်တောင် စပ်မပေးနိုင်ဘူး။ ဒီညကစပြီး နင့်အတွက် အမှတ်တရ ကဗျာလေး ရေးကြည့်မယ်နော်" လို့ ချွဲသွား၊ အချစ်ပြသွားတဲ့ သမီးကြီး အိန်ဂျယ်ရဲ့ အကိုတော် ကိုသားကြီး ရဲ့ ကဗျာလေးကိုလဲ မျှော်နေပါတယ်။ မပြန်ခင် Angel Shaper နဲ့အတူတူ အားလုံးပဲ ဖတ်ခွင့်ရမယ် လို့လဲမျှော်လင့်မိပါကြောင်းးးးးးးးး (ထင်တော့မထင်.. အဟဲ)

ဒါကတော့ ကိုလင်းကြယ်ဖြူရဲ့ အမှတ်တရ စကားလုံးလေးတွေပါ။

သူငယ်ချင်း Dim ရေ....
ခဏလေးပဲ တွေ့ကြရတာဆိုပေမယ့် တကယ့်မောင်နှမအရင်းတွေ သူငယ်ချင်းအရင်းတွေလို ခင်မင်မှုတွေက မှတ်တမ်းတစ်ခုအဖြစ် အမြဲရှိနေမှာပါ... ကန့်သတ်တားဆီးလို့ မရနိုင်တဲ့ အချိန်တွေနဲ့ ဘဝ အနေအထားတွေ အရ တို့တတွေ ပျော်လို့တောင်မဝသေးခင် အခြေအနေအရ နယ်ခြား အရပ်တစ်ပါးကို အောင်မြင်မှုတွေ ရယူနိုင်ဖို့ အားမာန်အပြည့်နဲ့ ရွက်လွှင့်မယ့် သူငယ်ချင်းအတွက် အားသစ်မာန်သစ်တွေ ရယူနိုင်ပြီး လိုရာ အောင်ပန်းကို ဆွတ်ခူးနိုင်စေဖို့ဘာမှ သိပ်မကောင်းပေမယ့် တတ်စွမ်းသမျှ လက်လှမ်းမီသလောက်လေး အားစိုက်ရင်း ရင်ထဲကထွက်ကျလာတဲ့ စာစုလေးတွေကို လက်ဆောင်အဖြစ် ပေးလိုက်ပါရစေ....

တရုတ်တန်းက ကြေးအိုးဆိုင်ရယ်၊ ဝက်သားဆိုင်ရယ်၊ ကာရာအိုကေ စက်ကြီးတစ်လုံးရယ်၊ ရေခဲမုန့်ချိုချို အေးအေးလေးတွေရယ်၊ Noodle House ရယ်၊ (Wild Wadi,Water Park)ရေကမ္ဘာ အပန်းဖြေဥယျာဉ်ကြီးရယ်၊ Ski Dubai က Snow Park ရယ်၊ နောက်ဆုံးတော့ ဒူဘိုင်းဆိုတာကြီးရယ်က ငါတို့အားလုံးနဲ့ နင့်အတွက် ထာဝရ အမှတ်တရ ရှိနေမှာပါဟာ....
တချိန်ချိန် တနေ့နေ့ တနေရာရာမှာ ငါတို့တွေ နင့်ကို ဝမ်းသာအားရပြန်တွေ့ခွင့် ရခဲ့မယ်ဆိုရင် တို့တတွေ အဲ့ဒီအချိန် အဲ့ဒီနေ့မှာ ငယ်မူပြန်လို့ လတ်ဆတ်တဲ့ပျော်စရာတွေကို နောက်တစ်ဖန်ပွေ့ပိုက်ရင်း ပျော်လိုက် ကြတာပေါ့နော။ ငါနှုတ်မဆက်တော့ပါဘူး။ လူချင်းသာ ဝေးကြရတာပဲ၊ ရင်းနှီးမှုတွေကို အချိန်တွေနဲ့ အနေအထားတွေက ဘယ်လိုမှ တိုက်စားမသွားနိုင်ဖူးလို့ ယုံကြည်လို့ပါပဲ....

လာမည့်အနာဂတ်၊ နင့်ရဲ့ အနာဂတ်အတွက် လိုသလိုသုံးရအောင် ငါကြိုက်တဲ့ ကဗျာလေးတစ်ပုဒ်ရယ်၊ ငါကိုယ်တိုင် ခံစားရင်း နှုတ်ဖျားကထွက်ကျလာတဲ့ ခံစားမှုစာစုလေးတွေကို နင့်အတွက် အမှတ်တရလက်ဆောင် ပေးလိုက်ပါရစေ။ တစ်ထောင့်တစ်နေရာကနေ အထောက်အကူ နဲနဲလေးလောက် နင့်အတွက်ဖြစ်စေမယ်ဆိုရင် ကဗျာလေးတွေက တကယ်ကို အမှတ်တရပေါ့နော။

ငါ ဖတ်ရင်းအားမာန်တွေခဲ့တဲ့ ကဗျာလေးတစ်ပုဒ်က ဆရာကြီး ဦးဘဂျမ်းရဲ့
အောင်နမိတ် အောင်စိတ်

အနင်းခံရတဲ့ မြက်ပိုသန်သတဲ့
အကျဉ်းစံရတဲ့ ငှက် ပို ပျံနိုင်လိမ့်မယ်။

အခက်အခဲတွေ့ က
ဖျက်ခွဲ၍ ပစ်ကြလော့။

ရက်ရှည်ရကောင်းလားလို့
မျက်ရည်မကျနဲ့။

အဲကြိတ်ပြီး အမောင်ဇွဲသန်မှ
အလံချိတ်ပြီး အောင်ပွဲခံရမှာ။

အကြောက်သန်အတွေးဖောက်ပြီး
နောက်ပြန်ပြေးပေါက်မရှာနဲ့။

ရှေ့ကိုသာဆက်လျှောက်
တစ်နေ့နေ့မှာ ရောက်ရမယ်။

မာန်ဇွဲတင်း အံခဲရင်း
အလံမလှဲ ခြင်းစိတ်ဓါတ်နဲ့
နမိတ်ဖတ်ပြီး အောင်ပန်းခူး
စိတ်ကူးနဲ့ မြူးကြစို့။

ဆရာကြီး ဦးဘဂျမ်း

ပြီးတော့ ကိုယ်တိုင် တတ်စွမ်းသလောက် နဲ့ လက်လှမ်းမီသလောက် မတတ်တခေါက်နဲ့ .....
ဆက်လျှောက်

စိတ်ပျော့ဖောက်ပြန် ကြောက်တာသန်ရင်
နောက်မှာကျန်ကာ ဆွေးမယ့်အရေး
တွေးလို့အမှန် ရဲရဲလျှောက်
နဲနဲလောက်မှ အားမလျော့လေနဲ့။

အချိန် နဲ့ ရက်စွဲ

နာရီနဲ့ ပြက္ခဒိန်ထဲ က
အချိန် နဲ့ ရက်စွဲတွေ
ဖက်တွဲကာ စည်းချက်ညီညီပြောင်းလို့
အလီလီဟောင်းသွားတဲ့ စက္ကန့်နဲ့နေ့ရက်တွေကို
ပွေ့ဖက်နမ်းချင်တဲ့ ဆန္ဒရှိလို့ ပြန်တောင်းချင်တောင်
ကံအကြောင်းမညီလို့ သူတို့ပြန်မလာနိုင်တော့ဘူး......

လင်းကြယ်ဖြူ


ဒါကတော့ ဦးပီ (ကိုပီတာရဲ့ အတွေးပုံရိပ်များ)ရဲ့ အမှတ်တရ စကားလုံးလေးတွေပေါ့။

ချစ်စရာကောင်းတဲ့ ညီမလေးနဲ့ သိရတာဝမ်းသာပါတယ်။ ချစ်ခင်သူဝိုင်းဝိုင်းလည်တယ်ဆိုတာ ဒါ ပါရမီတစ်ခု ပေါ့နော်။ ဒီတိုင်းချစ်လို့ရတာမဟုတ်ဘူးလေ။ သူ့မှာချစ်မွှေးပါလာလို့ပေါ့။ ဘာပဲဖြစ်ဖြစ်အားလုံးအောင်မြင်ပါစေ။

ယုံအောင်လဲပြောတတ်၊ လွမ်းအောင်လည်းချွဲတတ်တဲ့ တောင်ပေါ်သူလေးရေ....
ဘ၀သံသရာဆိုတဲ့ ရထားကြီးပေါ်မှာ....
ခဏတာဆုံတွေ့ ခင်မင်ခဲ့ရတဲ့အတွက် ၀မ်းသာကျေနပ်မိပါတယ်.....
အခုတော့အားလုံးထက်အရင် ဒူဘိုင်းအလွန်တစ်ဘူတာမှာ ဆင်းသွားတော့မယ်ပေါ့.....
ပြီးရင်....ဟိုးအဝေးကို....ရထားတစ်စင်းနဲ့ ဆက်လက်ထွက်ခွာဦးမယ်နော်...

တို့လည်းတစ်နေ့နေ့ကျရင် ဒီဘူတာကနေဆင်းပြီး နောက်ရထားပြောင်းစီးရမှာပါပဲ....
ဟိုနေ့ကစာသားလေးနဲ့ပဲ နောက်ဆုံးထပ်ဆုတောင်းပေးလိုက်ပါတယ်...
May all the love of those who matters to you, come to you beyond measure.

ရွှင်လန်းချမ်းမြေ့ ပါစေသော်ဝ်....
ကိုပီတာ....

ဒါကတော့ သူငယ်ချင်းလေး ဝေယံရဲ့ အမှတ်တရစကားလေးပါ။

သိတာသိပ်မကြာသေးဘူး။ အခုမှပဲတွေ့ဖူးတယ်။ ခင်ဖို့လဲ သိပ်ကောင်းတယ်။
မြန်မာပြည်ပြန်သွားပြီးရင်လဲ အကြာကြီးမနေပါနဲ့နော်။ အမြန်ဆုံးပြန်ထွက်လာနိုင်ပါစေ။
မအိန်ဂျယ်....အောင်မြင်ပါစေ...
တိတ်ကဲ....
မောင်ဝေယံ

ဒါကမကြီးငုံရဲ့ နှုတ်ဆက်စကားလေးးးးး

အားလုံးနဲ့ အမြဲတမ်း ပျော်ရွှင်ခဲ့ရပါတယ်။ Dim ရေ တနေ့နေ့တော့ ပြန်ဆုံဦးမှာပါ။ ခဏလေးတွေ့ပြီး ပြန်ခွဲရတော့လေ စိတ်မကောင်းဖြစ်ရပါတယ်။ ရောက်လေရာ နေရာတိုင်းမှာ အမြဲ ပျော်ရွှင်အောင်မြင်ပါစေ။
အမြဲတမ်းပြုံးပြုံးရယ်ရယ်နေတဲ့ Dim အမြဲတမ်းပြုံးရယ်နိုင်ပါစေနော်။ အမြဲတမ်းလဲ အဆင်ပြေပါစေ။ အောင်မြင်ပါစေ။ အမြဲတမ်းလဲ ခင်ဦးမယ်နော်။ မမေ့နဲ့နော်။
မကြီးငုံ

ဒါလေးကတော့ ကျွန်တော်တို့အိမ်က ငဇော်ရဲ့ ရင်ဘတ်ထဲက စကားလုံးလေးတွေပေါ့။

လူအသစ် တစ်ယောက်တိုးလာလို့ ငါတို့တော့ အင်အားတောင့်ပြီဆိုပြီး ၀မ်းသာမယ် ကြံတုန်းရှိသေးတယ်
လူအဟောင်း တစ်ယောက် လျော့သွားတော့မယ် ...
လူတိုင်း ကိုယ့်လမ်းကိုယ်လျှောက်ကြတာချည်းပဲဆိုပေမယ့် ..
နှလုံးသားရှိသူတိုင်း သံယောဇဉ်နဲ့ မကင်းနိုင်ကြဘူးမို့လား ...
အမှန်အတိုင်း ၀န်ခံရမယ်ဆိုရင်လေ ..
အဲ့ဒီနေ့က အိမ်ကျယ့်မျက်နှာကို ကျနော်မကြည့်ချင်ခဲ့ဘူးဗျာ ..
အထူးသဖြင့် ရထားစီးဖို့ စက်လှေကားက အဆင်း အိမ်ကျယ့်ကိုနောက်ဆုံးကြည့်လိုက်ရတဲ့အကြည့်ပေါ့...
ကျနော့်ကို နာကျင်စေခဲ့လို့ပါ ..
ခံစားရမယ်မှန်းသိရင် အစထဲက ဆုံစည်းခဲ့ဖို့မကောင်းဘူးလို့လဲ အိမ်ပြန်လမ်းတစ်လျှောက် တွေးလိုက်မိတယ်....
အခု .. ကျနော် ..
သူ (သူမ) ကို လွမ်းနေရပြီလေ ...
ဇော်

ချစ်မကြီး မနှင်း(နှင်းနဲ့မာယာ)ကလဲ ခုလို တခမ်းတနား နှုတ်ဆက်စကားခြွေခဲ့တယ်လေ။

Dim နဲ့ပတ်သက်ပြီးတော့ အမှတ်တရတွေကအများကြီးပဲ။ သူနဲ့ ပိုက်ဆံတွေလဲ အများကြီးကုန်တယ်။ လမ်းတွေလဲ အများကြီးလျှောက်ခဲ့ရတယ်။ အဲကောင်မလေးနဲ့ပေါင်းပြီးမှ ဒုက္ခတွေလဲ အများကြီးရောက်တယ်။

ဒူဘိုင်းသူ လူဆိုးမလေးတွေထဲက တစ်ယောက်ပြန်တော့မယ်ဆိုတော့ စိတ်လဲမကောင်းဘူး...
ချစ်မကြီးလို့ခေါ်ပြီး ချွဲနေတဲ့ အိန်ဂျယ်နဲ့ ဒေါ်လေး ဒေါ်လေးနဲ့ တချိန်လုံး စနောက်နေတတ်တဲ့ ဇော်တို့ကို
ညီမလေးတွေလို အရမ်းကို သံယောဇဉ်ဖြစ်ခဲ့ရတယ်...
ငုံကတော့ စကားများလွန်းလို့ သူနဲ့တွေ့ရင် ပတ်ပြေးနေရတာ..
သမီးပျိုက သူငယ်ချင်း အရင်းကြီး သူ့ကိုတော့ မနိုင်လို့ လွှတ်ထားတာကြာပေါ့...
ရှိတာက မဟာအင်အားကြီး မိန်းမသား ငါးယောက်
အားလုံးထဲမှာ မျက်နှာပြောင်ပြီး ပွဲကို ထိန်းတတ်တဲ့ အိန်ဂျယ်တစ်ယောက်ပြန်တော့
သူ့အဖော် ဇော်က တစ်ပင်တိုင်မင်းသမီးလေးအဖြစ်နဲ့ လွမ်းနေလေရဲ့...
အိန်ဂျယ်က ဓါးပြတိုက်တာတော်တယ်။ ပွဲရှိပီလားဟေ့ဆိုရင် သူဓါးပြတိုက်နေကျ ရေခဲမုန့်တွေ နောက်ဆိုရင် ကပ်မစားရတော့ဘူးပေါ့...
ကိုယ်က လူကြီးဆိုတော့ သူ့လို ဓါးပြတိုက်ရင် မရမှာသေချာတယ်...
အိမ်ဂျယ့်ကို လွမ်းမှာထက် သူ့ရေခဲမုန့်တွေကို ပိုလွမ်းမိမှာ သေချာတယ်...
လေဆိပ်ကို လိုက်မပို့တော့ဘူးနော်။ ဇော်ငိုတာတွေ့ရင် ကျုပ်လဲ မချော့တတ်ဘူး ဝိုင်းငိုမိမှာသေချာတယ်...
ဘာပဲဖြစ်ဖြစ် ပြန်တွေ့မယ်နော်...
နေရာတိုင်းမှာ ပျော်ရွှင်ပါစေ အိန်ဂျယ်လေးရေ...
ချစ်မကြီး မနှင်း

ဒါကတော့ သူငယ်ချင်းလေး သမီးပျိုရဲ့ အမှတ်တရ စကားလုံးတွေပေါ့။

အိန်ဂျယ်လေးရေ.......

ကိုဖြိုးရဲ့မွေးနေ့လေးကို သတိရမိသေးတယ်နော်။ ငါတို့တွေ သူများအမြင်ကတ်တဲ့ထိ သီချင်းတွေ အော်ဆို ကြတာလေ။ ငါကမဆိုတတ်တော့ နင်နဲ့ကပ်ဆိုရတာပေါ့။ ဒါပေမယ့် ငါတို့တွေ အရမ်းပျော်ခဲ့ကြတယ်နော်။ နင် အမှတ်၁၀၀ ရတော့ ငါလေ..ပျော်လိုက်တာ။ ပြီးတော့လေ ဘကြီးမိုး လိုက်ကျွေးတဲ့နေ့တုန်းကလေ ငါတို့ကလေးအုပ်စု ခံလိုက်ရသေးတယ်လေ။ ငါတို့အရည်တွေပဲ အ၀သောက်ကြတာလေ။ ငါတို့ဗိုက်ဝမှ လူကြီးတွေက ရှယ်တွေမှာတာလေ။ ငါတို့ခံလိုက်ရတယ်...ဟားဟား ဘာပဲပြောပြော ဒါတွေက အမှတ်တရတွေ ပေါ့နော်။ ငါဘယ်တော့မှ မေ့နိုင်မယ် မထင်ဘူး။

ပါးချိုင့်လေးနဲ့နင့်ကို ငါအမြဲသတိရနေမယ်ဆိုတာ နင်ယုံပေးပါနော်။ ပွင့်ပွင့်လင်းလင်းရှိတဲ့နင်က ခင်မင်သူပေါလို့ သူငယ်ချင်းအတွက် ဂုဏ်ယူလို့မဆုံးပေါ့။ ဟန်ဆောင်မှု ကင်းတဲ့နင်က......ဘယ်တော့မှ အထီးကျန် မနေနိုင်သလို ဘယ်နေရာရောက်ရောက် ခင်မင်သူတွေပေါလို့ ငါ့သူငယ်ချင်းလေး ပျော်ရွင်နိုင်မှာပါဟာ။ ငါတို့တွေ ခွဲကြရတော့မယ် ဆိုပေမယ့် ငါ့ရင်ဘတ်ထဲမှာ နင်ရှိနေပါတယ်။ တွေ့ခဲ့ကြတဲ့ အချိန်တွေက တိုတောင်းလှတယ် ဆိုပေမယ့် ရင်ထဲမှာ နက်ရှိုင်းနေတယ်ဆိုရင် ငါတို့ရဲ့ခင်မင်မှုက အဆုံးမရှိပေါ့နော်။

အိန်ဂျယ်ရယ်...ငါလေ ပွင့်ပွင့်လင်းလင်းပြောရရင် နင့်ကိုမသွားစေချင်ဘူးဟာ။ ပျော်ရွင်စရာနေ့ရက်တွေက အမှတ်တရ အတိတ်အနေနဲ့ ကျန်ရှိခဲ့ပေမယ့် နောင်လာမယ့်အချိန်တိုင်းမှာ နင်မရှိတော့ သီချင်းဆိုမယ့် သူလည်းမရှိတော့ဘူးနော်။ ငါလေနင်နဲ့တွဲလို့ ရေခဲမုန့်လည်းကြိုက်တတ်နေပြီဟ။ ငါစားတိုင်း နင့်ကို သတိရနေမယ်နော်။ ထားလိုက်ပါတော့ အိန်ဂျယ်ရယ် ...မနက်ဖြန်ရဲ့နေ့ရက်တွေတိုင်းမှာ စက္ကန့်အချိန်တိုင်း ပျော်ရွင်နိုင်ပါစေလို့ ငါဆုတောင်းပေးနေပါ့မယ်နော်။

အချိန်တိုင်း မအားတဲ့ငါ့ကို စိတ်ရှည်ရှည်နဲ့ပွဲတိုင်းပါအောင် ညှိပေးကြလို့ အားလုံးကိုကျေးဇူးတင်ပါတယ်ဟာ။ နင်ပြန်မယ့်နေ့မှာလည်း ငါရှိမနေပြန်ဘူး။ နောက်ဆုံးသွားကြမယ့် နေရာတွေကိုလည်း ငါမလိုက်နိုင်ပြန်ဘူးနော်။
ဒါပေမယ့် ငါ့စိတ်ကတော့ နင်နဲ့အတူရှိနေမယ်ဆိုတာ ယုံနော်။ အိန်ဂျယ်ပြန်မယ့် ခရီးလမ်း သာယာဖြောင့်ဖြူးလို့ ရှေ့ဆက်ရမယ့်လမ်းခရီးတွေလည်း အောင်မြင်ပါစေဟာ။
အမြဲခင်နေမယ့် သမီးပျို

အားလုံးရဲ့ ချစ်စရာ အမှတ်ရစရာ နှုတ်ဆက်ဆုတောင်းလေးတွေအတွက် ကျေးဇူးအကြီးကြီးးးးးးးးး အများကြီး တင်ပါတယ်နော်။
အားလုံးပေးခဲ့တဲ့ဆုတွေနဲ့ ပြည့်ပါစေ။
ချစ်ခြင်းများစွာဖြင့်
Angel Shaper
15.11.09 (Sun;)
11:50 Pm

Labels:

ဒဒွေးမောင်နှမများနှင့် အမှတ်တရ နှုတ်ဆက်ပွဲလေးများ

Posted by Angel Shaper
Tuesday, 10 November 2009
comments (40)

Angel Shaper ရဲ့ ပထမဆုံးအကြိမ် နှုတ်ဆက်ပွဲကို ၂၃.၁၀.၀၉ (သောကြာနေ့)က ဒဒွေးမောင်နှမများ ဆုံဆည်းရာ Rolex Tower မှာ ဘကြီးများ အကိုတော် အမတော်များ နဲ့ အတူ ပျော်စရာအကောင်းဆုံး ကျင်းပခဲ့ကြတယ်။ အဲဒီနေ့ ပျက်ကွက်သူတွေကတော့ အမိမြေရောက် ကိုချမ်းနဲ့ မဒမ်ချမ်း၊ လတ်လတ်ဇော်နဲ့ အလုပ်များနေတဲ့ ကိုဖြိုး (လင်းကြယ်ဖြူ) တို့ပဲဖြစ်ပါတယ်။

ချစ်မကြီး မနှင်း (နှင်းနဲ့မာယာ) နဲ့ အရောက်သွားတော့ စပွန်ဆာပေးမဲ့ ဘကြီးမိုး တစ်ယောက်ထဲ ရောက်နေ လေရဲ့။ သူက စားနေကျဆိုင်ထက် ပိုအဆင်ပြေမဲ့ Tower ကြီးရဲ့ အပေါ်ဆုံးထပ် ဝရံတာမှာ ပိုစားကောင်းတယ် ဆိုပြီး စီစဉ်ထားပါတယ်။ ခနနေတော့ မငုံ (ကန္တာရမိုးစက်များ) နဲ့ သမီးပျိုတို့ ရောက်လာတယ်။ အထူးဧည့်သည် ကြီးဖြစ်တဲ့ ဒူဘိုင်းရွှေရောင်စဉ်ရဲ့ ကလောင်ရှင် (ဒူဘိုင်းရောက်မြန်မာMID အဖွဲ့ ကြီးအတွက်ပါ အားတက်သရော ပါဝင်နေသူ) ကိုသံလွင်လင်းဦးလည်း ရောက်လာပါတယ်။ ဦးပီ (ကိုပီတာရဲ့အတွေးပုံရိပ်)ကတော့ အချိန်တိတိ ကျကျ ရထားကြီးစီးပြီး ထွက်လာပေမယ့် နေရာကို ကျော်လိုက် ခွလိုက်နဲ့မို့ ဘကြီးမိုးဆင်းခေါ်မှပဲ နေရာမှန်ကို ရောက်လာနိုင်ပါတော့တယ်။ တစ်အောင့်နေတော့ အန်ကယ်ဦးကျော်ခင်နဲ့  ဆရာဝန်ဒေါက်တာ မမဆုလှိုင်ဝင်း တို့လည်းရောက်လာတယ်။ ဘကြီးသာ(ကိုသာယာ) တစ်ယောက် ကတော့ နောက်ဆုံးမှပဲ သာသာယာယာ ရောက်လာပါတယ်။

လူစုံတော့ စားသောက်ဖို့ မှာကြတယ်။ ဟော့ပေါ့အရင်မှာတယ်။ ပြီးတော့ ဟင်းတွေ တစ်ခုပြီးတစ်ခုမှာကြတယ်။ စားပွဲပေါ်မှာက စားစရာတွေက အစုံပါပဲ။ စားသောက်ရင်း ပြောကြ ဆွေးနွေးကြတယ်။ လူကြီးတွေ စကားပြော ကောင်းနေတုန်း စကားထက် အစားမက်တဲ့ မငုံ၊ သမီးပျို နဲ့ Angel Shaper တို့ဟာ ကလေးပီပီ အားရပါးရ စားကြတယ်။ ဟော့ပေါ့ကလဲ တစ်အိုးပြီးတစ်အိုး ကုန်တယ်။ ကိုယ့်ရှေ့ကအိုးကုန်လို့ ထပ်ဖြည့်တုန်း မဆူခင် တဖက်က လေပေါနေတဲ့ လူကြီးတွေရဲ့ အိုးနဲ့ ပြန်လဲ။ ဟဲဟဲ။ ပြီးတော့ Avocado လေးသောက်လိုက်၊ ကော်ပြန့်ကြော်လေးစားလိုက်နဲ့ နောက်ထပ် ဆက်ဆွဲမဲ့ပွဲအတွက် အားယူဖို့ Toilet တောင် သွားလိုက်ရ သေးတယ်လေ။ ခစ်ခစ်

Toilet အမှတ်တရတစ်ခု ပြောရမယ်ဆိုရင် Toilet ဆိုတာလဲမြင်ရော သုံးယောက်သား ကျေနပ်သွားတဲ့ ဒီဇိုင်းနဲ့ ဝင်ချသွားလိုက်ကြတာ အထဲမှာ သူ့ ကိစ္စသူလုပ်နေတဲ့ ကုလားတစ်ယောက် ကိုမြင်မှပဲ နေရာမှားဝင်လာမှန်း အထိတ်တလန့် သိလိုက်ရပါတော့တယ်။ အမျိုးသား Toilet ကြီးဖြစ်နေတယ်ဗျာ...ဟားးဟားးးး ဒီလိုနဲ့ သုံးယောက်သား ပြုံးစိစိနဲ့ ပြန်ထွက် လာရတာပေါ့။ ပြန်ထွက်မလာချင်လို့မှ မရတာကိုလေ။ အဟဲ...ဒီလိုနဲ့ အမျိုးသမီး Toilet ကို ကပြာကယာ ပြန်ပြောင်းပြေးရှာလိုက်ရတယ်။

ဒီလိုနဲ့ ကျေကျေနပ်နပ်ကြီး နောက်ဆက်ပွဲ စားစရာများကို ပြန်လည်ပြီး မှာယူ စားသောက်ကြပါတယ်။ ငါးကင် ကြီးတွေ၊ ငါးဟင်းအကောင်လိုက်ကြီးတွေ အများကြီးပဲဗျာ။ ဘယ်လောက်သောင်းကျန်းကြသလဲဆို "ဘကြီးမိုးရေ ဟိုဘက်စားပွဲက ကုလားမကြီးသောက်တဲ့ ဟာမျိုးသောက်ချင်တယ်" ဆိုတာမျိုးက ပါသေးတယ်။ ဟိဟိ........ အဲဒီနေ့ လူကြီးဝိုင်းက ဆွေးနွေးတာတွေ သိပ်များတော့ မမှတ်မိပါဘူး။ ဒူဘိုင်းမှာ မြန်မာတွေအတွက် အခမဲ့ စေတနာဆေးကုခန်းလေး ဖွင့်ဖို့တိုင်ပင်နေသံလည်း ကြားရပါတယ်။ ဂုဏ်ယူဝမ်းမြောက်စရာပါပဲ။ အဲဒီနေ့လူကြီးတွေ စကားဝိုင်းတော်တော်နဲ့ကို မပြတ်တာဗျာ။ ကာရာအိုကေအစီအစဉ်မပါ၊ သီချင်းမဆိုရတော့ Angel Shaper တို့ ပျင်းပြီပေါ့။ ဂျီကျနေတဲ့ ကလေးတွေကို နားညည်းတဲ့အဆုံး ပထမအကြိမ်နှုတ်ဆက်ပွဲ ပြီးဆုံးကြောင်း ကြေငြာ အပြီးမှာ နားလည်လိုက်တာကတော့ အပျိုကြီးမနှင်းနဲ့ ဘကြီးမိုးတို့ရဲ့ လူလည်ကျတာကို ခံလိုက်ရတယ် ဆိုတာပါပဲ။ (ကာရာအိုကေ မပါအောင် အကွက်ဆင်ပြီး အဲဒီနေရာကို တမင်ရွေးပြီး ခေါ်လာမှန်း နောက်ကျမှ သိခဲ့ရတယ်လေ) ဟင့်ဟင့်။ မကျေနပ်ဘူးနော်။

ဒီလိုနဲ့ လမ်းမခွဲခင် Angel Shaper တို့အတွက် ရေခဲမုန့်ကတော့ မပါမဖြစ်ပါရပြန်ပါတယ်။ အန်ကယ် ဦးကျော်ခင်နဲ့ ဦးသာယာတို့ဟာ ရေခဲမုန့်ဖိုး ငါရှင်းမယ်၊ နင်ရှင်းမယ်နဲ့ ငြင်းခုန်နေကြပါတယ်။ ဘယ်လောက်ကုန်မယ်ဆိုတဲ့ အတွေ့အကြုံမသိသေးလို့ ငြင်းတာလဲ ဖြစ်နိုင်သလို သူတို့ရင်ထဲက စေတနာဆိုရင် ပိုမှန်မှာပေါ့။ အနိုင်ရသွားသူ ကတော့ ကံကောင်းသူ ဦးကျော်ခင်ဖြစ်ပြီး ကံဆိုးသူ ဦးသာယာ ရှုံးသွားပါတယ်။ ဒီတော့ အန်ကယ်ဦးကျော်ခင်ပဲ ရေခဲမုန့်ဖိုးတွေ တဝကြီးရှင်းလိုက်ရတာပေါ့လေ။

ဒီလိုနဲ့ ဘကြီးမိုးနဲ့ တကွ အဘတော်များ အကိုအမများကို ကျေးဇူးတင်ကြောင်း ပြောပြီး ရေခဲမုန့်ဆိုင်ကနေ လမ်းခွဲလာကြပါတယ်။ "ဘကြီးမိုးရေ အရမ်းပျော်တာပဲ ကျေးဇူးတင်လိုက်တာဗျာ။ အများကြီးကုန်မှာပဲနော်" ဆိုတော့ ဘကြီးမိုးက "ပါပါးလေးပါ" တဲ့။ "ဘာပါပါးလေးတုန်းဗျ ပိုက်ဆံအိတ် ပါးသွားတာကိုပြောတာလား" "မဟုတ်ရပါဘူးကွယ်။ သမီးတကယ်ပျော်တယ်၊ ကျေနပ်တယ်ဆိုရင် ကုန်ရကျိုးနပ်ပါတယ်" တဲ့လေ။ ဘကြီးမိုးရေ ကျေးဇူးသိပ်တင်ပါတယ်ဗျာ။

ဒုတိယအကြိမ်မြောက် နှုတ်ဆက်ပွဲ ကိုတော့ ၃၁.၁၀.၀၉ (စနေနေ့) မှာ ကိုဖြိုး (လင်းကြယ်ဖြူ)က စပွန်ဆာပေးပြီး ကိုဖြိုး၊ မနှင်း (နှင်းနဲ့မာယာ)၊ ငဇော် (ကျွန်တော်တို့အိမ်) နဲ့ Angel Shaper တို့လေးယောက် Burjuman Centre,( Noodle House )မှာ ပျော်ပျော်ကြီး ဆင်နွှဲခဲ့ကြပါတယ်။ အဲဒီနေ့က လူမစုံပါဘူး။ ဘကြီးမိုးက မြန်မာပြည် အလည်ခဏပြန်ပြီး၊ ကိုချမ်းက ပြန်မရောက်သေးဘူး။ ကျန်တဲ့ အဘတော်တွေ အကိုအမတွေက မအားလပ်ကြပါဘူး။ ဒီတော့ အားလပ်နေတဲ့ လေးယောက်သား ဝတ္တရားမပျက် မပါဝင်နိုင်တဲ့သူတွေအစား အများကြီး မှာစားခဲ့ကြပါတယ်။ အဲဒီဆိုင်က ကိုမျိုးဆိုတာ ကိုဖြိုးရဲ့ အခန်းဖော် မြန်မာလူမျိုး သူငယ်ချင်းကောင်းတစ်ယောက်ပါ။ သူကပဲ စတော်ဘယ်ရီရှိတ်ကို တစ်ယောက်တစ်ခွက်တိုက်တဲ့အပြင် Angel Shaper အရမ်းကြိုက်တဲ့ Jasmine Tea မွှေးမွှေးလေး ကိုလဲ အလကားတိုက်ပါသေးတယ်။ ကျေးဇူးသိပ်တင်တယ် ကိုဖြိုးနဲ့ ကိုမျိုးရေ....

တတိယအကြိမ်မြောက် အစီအစဉ်အနေနဲ့ ၇.၁၁.၀၉ (စနေနေ့)မှာ Angel Shaper ရဲ့ ပူဆာမှုကြောင့် ကိုလင်းကြယ်ဖြူ ကိုကျော်ကျော်ထိုက်တို့ ဦးဆောင်ပြီး Jumeirah က နာမည်အကြီးဆုံး၊ အလှဆုံး နဲ့ပျော်စရာ အကောင်းဆုံး ဖြစ်တဲ့ Wild Wadi, Water Park ကို လိုက်ပို့ ပေးပါတယ်။ ပါဝင်ခဲ့ကြသူတွေကတော့ ကိုကျော်ကျော်ထိုက်၊ ကိုဖြိုး၊ မနှင်း၊ သမီးပျို၊ Angel Shaper နဲ့အတူနေ အမတော် မဇာနည်။ မအေကေ၊ မင်းမင်းနဲ့ ချမ်းချမ်းတို့ ပဲပေါ့။

အဲဒီနေ့ ဓာတ်ပုံတွေ ရိုက်ကြတယ်။ ရေဘောလုံးတွေစီးကြတယ်။ ရေလှိုင်ခေါင်းတွေစီးကြတယ်။ ဟိုးးးးးအမြင့်ဆုံး ကနေ ရေလျောစီးရတာ ရင်ခုန်ဖို့ကောင်းသလို ပျော်ဖို့လဲသိပ်ကောင်းပါတယ်။ ရေကူးကြတယ်။ ဆော့လို့ရသမျှ အကုန်အကုန် ဆော့ပြီးချိန်မှာတော့ စတုတ္ထအကြိမ်မြောက်ပွဲကို ဆက်မနွှဲခင် ကိုကျော်ကျော်ထိုက်က သူ့ ရဲ့ အိမ်တော်ကိုအလည်ခေါ်လို့ လိုက်သွားခဲ့ကြသေးတယ်။ ကိုကျော်ကျော်ထိုက်ရဲ့ မဟေသီချောလေး ဖျော်တိုက်တဲ့ ကော်ဖီနဲ့ မုန့်တွေ၊ အာလူးကြော်တွေကို စေတနာ အသိအမှတ်ပြုတဲ့အနေနဲ့  အကုန်ပြောင်အောင် ကူညီ စားသောက်ပေးခဲ့ကြပါတယ်။ မပေါ့မပါးနဲ့ ဧည့်ဝတ်ကျေပေးတဲ့ ကိုကျော်ကျော်ထိုက်ရဲ့ မဟေသီကို ကျေးဇူးအထူး တင်ရှိသလို၊ နားရက်လေးမှာ မဟေသီ့အနားတောင် ကပ်ခွင့်မရလောက်အောင် သွားချင်ရာ လိုက်ပို့ကူညီပေးတဲ့ ကိုကျော်ကျော်ထိုက်ကိုလည်း ကျေးဇူးအများကြီး တင်ပါတယ်ဗျာ။

ကိုကျော်ကျော်ထိုက်တို့ရဲ့ ဂေဟာလေးကနေ စတုတ္ထမြောက် နှုတ်ဆက်ပွဲလေး ဆက်နွှဲဖို့ Burjuman Centre (Noodle House)ကို ညနေ ၆နာရီခွဲမှာ အားလုံးချီတက်ခဲ့ကြတယ်။ အဲဒီပွဲလေးမှာတော့ ယောက္ခမလောင်း အလည်လာတာတောင် မအားလပ်တဲ့ကြားက ချစ်ညီမလေးကို နှုတ်ဆက်ချင်လို့ ဆိုပြီးရောက်လာတာ ချစ်ဖို့ ခင်ဖို့သိပ်ကောင်းတဲ့ မငုံပါ။ နောက်ပြီးတော့ နိုက်ဂျူတီအထွက် အိပ်ရေးမဝတဝနဲ့ ချစ်သူငယ်ချင်းကို နှုတ်ဆက်ဖို့ လာတာ ဇော်ပေါ့။ ယုံအောင်လဲပြောတတ်တယ်၊ လွမ်းအောင်လဲ ချွဲတတ်တဲ့ ညီမလေးကို နှုတ်ဆက်ချင်ပါတယ် ဆိုတဲ့ ကိုပီတာ နဲ့ ကျွန်တော် တစ်ခါမှ မရောက်ဖူးဘူး၊ မေးမြန်းပြီးလာရမှာပဲ ဆိုကာ အရောက်လာတာ ဒဒွေး ဘလော့ဂါသစ်လေး မောင်ဝေယံ တို့ပါပဲ။ ဒီလိုနဲ့ တစ်ဖွဲ့လုံး မောမောပန်းပန်း နဲ့ပဲ တစ်ဝကြီး မှာကြစားကြ သောက်ကြပါတယ်။ ဒီပွဲကိုလဲ ကိုလင်းကြယ်ဖြူရဲ့ ကဒ်လေးနဲ့ပဲ ဆင်နွှဲလာကြတာပါ။ အဲဒီဆိုင်မှာကိုမျိုးနဲ့  မြန်မာ အမကြီး တစ်ယောက်ရှိပါတယ်။ လူ ၁၁ယောက်စာကို ၇ယောက်စာပဲယူတဲ့အပြင် ချက်ပြုတ်ခန်းထဲက မြန်မာ အကိုတွေကလဲ တစ်ပွဲကို ပုံမှန်သုံးပွဲစာလောက် အများကြီး လုပ်ပေးခဲ့ကြပါတယ်။ ဒီနေရာမှာ မြန်မာတွေရဲ့ ချစ်စရာကောင်းတဲ့ အလေ့အကျင့်လေး တစ်ခုကိုလဲ မသိမသာလှမ်းတွေ့ နိုင်ပါတယ်။ မြင်တတ်ရင်ပေါ့။ အဟဲ.... ကိုမျိုးက သိပ်ကောင်းပြီး ဈေးသိပ်ကြီးတဲ့ Angel Shaper အကြိုက်ဆုံး Jasmine Tea လေးအိုး တိတိနဲ့ နောက်ဆုံး ဧည့်ဝတ်ကျေသွားလိုက်ပါသေးတယ်။ ပါဆယ်တော့ မဆွဲခဲ့ပါဘူး။ အဟဲ....

အဲလိုစားသောက်ပြီးတော့ တစ်ယောက်ချင်းစီကနေ အမှတ်တရ စကားလေးတွေ ချွေဖို့တောင်းဆိုပြီး ဖုန်းလေးနဲ့ Record လုပ်ထားတယ်။ တစ်ယောက်တစ်ခွန်းချွေပြီးချိန်မှာ ကိုပီတာက The Best Seller No.6 ရထားတဲ့ The Secret ဆိုတဲ့စာအုပ်ကောင်းလေး တစ်အုပ်နဲ့ တန်ဖိုးကြီးကြီးလှလှပပ ဖောင်တိန်လေးတစ်ချောင်း လက်ဆောင် ပေးတယ်။ အဲဒီစာအုပ်ရဲ့ အထက်စာမျက်နှာတွေမှာ သူတို့တွေရဲ့ အမှတ်တရ လက်မှတ်လေးတွေလည်း ထိုးပေး ကြတယ်။ အရမ်းကို အမှတ်ရစရာ ကောင်းတဲ့ နှုတ်ဆက်ပွဲပါ။

Angel Shaper ဒူဘိုင်းကို မထင်မှတ်ပဲရောက်လာခဲ့တယ်။ ဒီဒူဘိုင်းကနေ ဒီလို ချစ်စရာကောင်းတဲ့ မိသားစု မောင်နှမတွေနဲ့ ဆုံရမယ်လို့ ထင်မထားမိဘူး။ ချစ်စရာသိပ်မကောင်းတဲ့ ခပ်ဆိုးဆိုး Angel Shaper ကို ချစ်စရာ ကောင်းတဲ့ သူတို့ရဲ့ မေတ္တာ၊ စေတနာတွေကြောင့်သာချစ်ခင်ခဲ့ကြတာပါ။ ဒီလို မိသားစု မောင်နှမတွေ သာမက အွန်လိုင်းပေါ်ကနေ မောင်နှမတစ်ချို့ ရသလို ဘလော့ပေါ်မှာလဲ ဖေကြီး၊ ဘကြီး အကိုအမ မောင်နှမတွေ အများကြီး ရခဲ့ပါတယ်။ ဒီလူတွေအားလုံးဟာ ဘုရားသခင်ပေးတဲ့ ဆုလေးတွေဖြစ်လို့ ဘုရားသခင်ရဲ့ ကျေးဇူး တော်ကိုလဲ ချီးမွမ်းပါတယ်။ မထင်မှတ်ပဲရရှိခဲ့တဲ့ အားလုံးရဲ့ မေတ္တာ၊ စေတနာနဲ့ ခင်မင်မှုလေးတွေအတွက် ကျေးဇူးတင်ပြီးရင်း ပိုမိုချစ်ခင်လာရပါတယ်။ ဘယ်တော့မှ မေ့ဖျောက်လို့ရမှာမဟုတ်တဲ့ ခင်မင်မှုလေးတွေနဲ့ အမှတ်ရ သတိရနေမှာပါ။

Angel Shaper အတွက် စေတနာ၊ မေတ္တာ၊ အချိန်၊ ငွေ၊ အင်အား အများကြီး ပေးဆပ်ခဲ့ကြတာတွေအတွက် အတိုင်းထက်အလွန် ပါပဲလို့ ကျေးဇူးတင်စကားလဲ ပြောချင်ပါတယ်။ အားလုံး ပေးခဲ့တဲ့ ဆုတွေနဲ့ ပြည့်စုံပါစေ။
အားလုံးလည်း မေတ္တာတရားနဲ့ ပြည့်ဝလို့ ငြိမ်းချမ်းတဲ့ ဘဝလေးတွေ အောင်မြင်ပျော်ရွှင်တဲ့ ဘဝလေးတွေ ပိုင်ဆိုင် နိုင်ပါစေလို့လဲ တောင်းဆုပြုခဲ့တယ်။

စကားမစပ် ဒီအိမ်သစ်လှလှလေးဟာ Angel Shaperရဲ့ အကိုတော် ကိုသားကြီး စိတ်တိုင်းမကျမချင်း စိတ်ကြိုက် ဖြစ်အောင် ခေါင်းစားပြီး အိပ်ချင်မူးတူးနဲ့ စိတ်ရှည်လက်ရှည် ဆောက်ပေးခဲ့တဲ့ အိမ်သစ်လေးပါ။ သူ့ရဲ့ အမှတ်တရ လက်ဆောင်လေးပေါ့။ ကိုသားကြီးကိုလည်း ကျေးဇူးကြီးကြီး တင်တယ်နော်။





ချစ်ခြင်းများစွာဖြင့်
Angel Shaper
11.11.09 (Wed;)
1:11 Am

Labels:

Subscribe to: Posts (Atom)